សិក្ខាសាលាស្តីពី “ ការចុះផ្សព្វផ្សាយសេវាការងារ និងប្រមូលអ្នកស្វែងរកការងារធ្វើ នៅតាមមូលដ្ឋាន រាជធានី-ខេត្ត ”​

2019-08-13

នៅថ្ងៃពុធ ១៤កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៤ ខែសីហា ឆ្នាំ២០១៩ <br> នៅក្នុងឱកាស ចុះផ្សព្វផ្សាយសេវាការងារ និងប្រមូលអ្នកស្វែងរកការងារធ្វើ នៅតាមមូលដ្ឋាន រាជធានី-ខេត្ត លោក មុត ចិន្តា នាយកវិទ្យាស្ថានពហុបច្ចេកទេសភូមិភាគតេជោសែនស្វាយរៀង បានធ្វើបទបង្ហាញស្តីពី “ សារៈសំខាន់វិស័យបណ្តុះបណ្តាលវិជ្ជាជីវៈ TVET ” ជូនប្រជាពលរដ្ឋអាយុចាប់ពី ១៨ ដល់ ៦៤ឆ្នាំ ឲ្យបានជ្រាបពីអត្ថប្រយោជន៍ និងសារៈសំខាន់របស់វិស័យបណ្តុះបណ្តាលវិជ្ជាជីវៈ TVET ដែលបានជួយលើកកម្ពស់ជីវភាពបងប្អូនប្រជាពលរដ្ឋ។ នៅក្នុងឱកាសនោះដែរ លោក យឹម បូរីយុទ្ធ ប្រធានស្តីទីមជ្ឈមណ្ឌលការងារខេត្តស្វាយរៀង មានបទបង្ហាញស្តីពីសេវាការងារ និងព័ត៌មានទីផ្សារការងារ ដល់អ្នកស្វែងរកតាមមូលដ្ឋាន ជូនប្រជាពលរដ្ឋអាយុចាប់ពី ១៨ឆ្នាំ ដល់ ៦៤ឆ្នាំ ដែលមានបំណងចង់ធ្វើការងារ។ ស្ថិតក្នុងឱកាសនោះដែរ ក៏មាន មតិសំណេះសំណាលពីលោក ថន ថាវុទ្ធា អភិបាល នៃគណៈអភិបាលស្រុកចន្រ្ទាផងដែរ។